خذني بحضنك..
صـعـب لامـنـك فشـلـت .. وصـعـب لامـنـك لقـيـت
ان مــن يـكـره نجـاحـك .. يــدري انــك مانجـحـت
أمس ضقت.. ورحـت اقلـب ذكرياتـي .. وانتهيـت
عند صورة طفل صوتـه مثـل صوتـي لا انجرحـت
وش مـثـل؟ لا والله الا هـــذا انـــا يـــوم ابـتـديـت
انـطـق حــروف تلعـثـم فــي لسـانـي لا انـمـدحـت
هــذا انــا يــوم الحـيـاه افنظـرتـي عشـريـن بـيـت
ومسجدين و مدرسه من طين كم فيها اصطبحـت
هذا انا و اصبحت اتمتـم: (هـذا انـا ) حتـى بغيـت
اختنق .. بـس القـدر عيـا علـى موتـي .. وطحـت
وصاح صوت الطفل فيني : انت من وين ارتميت
قلت انا المستقبـل اللـي فيـه كـم همـت و طمحـت
امـس كنـت ابيـك تكبـر .. بــس و الله لــو دريــت
اني اللي عشـت لجلـه .. مـت عنـدك و استرحـت
لـو دريــت ان الـزمـان يـجـر رجـلـي مــا عـديـت
ولـو دريـت ان البحـور بــلا مـوانـي مــا سبـحـت
كـان دربـك لـي طويـل .. وكـل مـا شفتـك هـويـت
قـلـت لــك كـبـوة جــواد و ماكبـيـت الا وجـمـحـت
لـيـه تسمعـنـي و تمـشـي.. اه ليـتـك مــا مـشـيـت
واه ليـتـك مــن كـثـر عـثـرات الايـــام انتـصـحـت
ضاعـت احلامـي و ضـل الحـزن فينـي و اهتديـت
للطـريـق الـلـي يوديـنـي عـلـى دمـعــي و رحـــت
يالـحـزن لـيـتـك مـثــل دمـعــي و تـنــزل لارقـيــت
س اعرفـك لـو مسحـت الدمـع تبقـى ماانمسحـت
كــان حلـمـي فــي وجــود انـسـان يبـكـي لابكـيـت
وصار حلمـي فـي وجـود انسـان يفـرح لا فرحـت
كنت اشوف الناس مثلـي كـل مـا جعـت و ظميـت
مـادريـت ان الاوادم نــاس فــوق و نــاس تـحــت
اه يـــاول ذكـريـاتـي خــذنــي افـحـضـنـك نـسـيــت
لا اسألك عن وجه ابوي اللي معه يا ما سرحـت
خذنـي افحضنـك ابغفـى .. يــااه مبـطـي ماغفـيـت
و ان لمحت دموع عينـي .. سـو نفسـك مالمحـت
خذني افحضنك و بعثر في جروحي .. وان قضيت
هـز لـي كتفـي و قلـي : عيـب تبكـي لـو سمـحـت
اضحك.. وعلم زماني من انا .. ومـن ويـن جيـت
طـق بـاب الـحـزن و اصــرخ فــي لامـنـي فتـحـت
وضمنـي يـمـك .. وكـمـل ضحكـتـك لامــن بكـيـت
ودي اذكـر كيـف كانـت ضحكتـي.. لامــن فـرحـت
