M!$$..By$hOoO

هلالكوووش كل ابووووكم وامكم وباقي افراد العايله ومن يعز عليكم<<مانبي نزعل احد

بحكيكم عن يوومي الحلوو بالمدرسه..
طبعاً هو مو زي اي يووم..بيكوز اليوم كان حفل تخرج ثالث..
اليووم السبت بتاريخ 7\6\2008<<ما اعرف التاريخ بالهجري ..
بدينا على بركة الله..

انا شخصه رحت للمدرسه مواصله بيكووز كنت قاعده عالنت لين 4ونصف وشوي..
كالعاده وصلت متأخره..لقيت الأمهاات الموقراات متصندرين على الكراسي بالساحه استعداداً لمراسم الحفل الكريم..
وطبعاً الجوو كان مرره عليل يريح العليل من علته..والمدرسه عليها آلآاآاآاف الطبقات من الغوبااار كان لون المدرسه غوباار من كثرته..
دخلت الفصل رميت عفشي وشنطتي اللي نصها أكل بالاضافه الى اربع كتب..
لقيت صقيعتي المصريه توها واصله..اخذتها وبدت رحلتي بالمدرسه..<<المصريه عيارتها
نزلنا الطابق اللي تحت والخريجاات يتمشون في ربووع مدرستنا الحبيبه والفرحه مو سايعتهم..لدرجة انك تشم ريحة الفرحه مع كثييير من الغبار..
وبعد جهدٍ جهيد..ليقنا الوسيمه في يدها بيره بالفراوله وجزء من الشله<<ماراح اقول لكم ان البيره هوليستن عشان مانسوي دعايه..
وصرنا نطلع وننزل وننزل ونطلع وندوور ندوور ندووور..ونفترق ونرجع نتلاقى وكل شوي الوسيمه فيدها نوع من المشرووبات الغازيه مثل مشروب طاقه<<برضو ماراح اقول انه بايسن عشان مانسوي دعايه
قبل بداية الحفل بدقايق:
دخلت انا والمصريه على ثالث علمي استهبلنا عليهم شوي وبعدين صاروا يتدربون على انشودتهم وحنا نخرب عليهم ونسوي كليبات لهم..
قالولنا يالله انزلوا بدأو ينزلون البنات..
نزلنا وتقابلنا مع باقي افراد الشله من جديد..ووزعنا بخاخات ثلج فيما بيناتنا..
وموو عارفين وين نقعد..فرحنا جلسنا بطرف الفرشات اللي كانوا حاطينها كنا جنب الساحه وكانوا المامات ورانا لزووم الهيصه والاحتفال بخريجاتنا..والكل يقول لنا الحفل هنااك مو هنا..
قعدنا ربع ساعه لين بدت مسيرة الخريجات..استغليناها في الاستهبالاياات وصرااخ وهكذا..

^^^
^^
كل ذا قبل بداية الحفل بدقاايق
بداية الحفل:
بدت المسيره وبدينا صرااخ وتصفييق والبخاخات مابقى فيها الا شوي كلها راحت علينا قبل ما ينزلون..اول شي كان القسم العلمي بعدين الادبي وتقابلو بنص الساحه بينهم الستيج الكشخه حقنا ((كل يوم اشوفه بمكاان))..
اول شي وحده من بنات الادبي طيرت الحمامه البيضا اللي بيدها وبعدين جت وحده ثانيه كان معها لوحه مكتوب فيها ..”القسم الادبي”.. واعطتها لوحده بثاني ادبي..ونفس الشي مع العلمي بس الفرق ان حمامتهم سوده..
وبعدين راحوا لاماكنهم وحنا مستمريين بهبالنا..اما الوسيمه كان معها صفييره وحسب تصفيرتها كلنا نصفق بس من كثر مايصفروون الله يرجهم جاني صداع بوجهي..
بعدين بدت فقرات الحفل..وكانت البدايه مع كلمة المديره اللي عمرنا ماسمعناها تتكلمظ((اتوقع والله اعلم انها اما ماتعرف تتكلم عربي واما ماتعرف تتكلم)) الموهييم كلنا صارخنا وصفقنا وحمااس..
الا قالوا ان مساعدة المديره هي اللي بتتكلم..مجموعه كبيره من البنات اعترضوا  شتعرفون لما نبدا نقول ((اوووو ومدري كيف)) شلتنا ماكنت من بينهم الله يهدينا..
اثناء عرض وحده من الفقرات فجأه وحده لابسه عباية كتف ضيقه ومتلثمه ولابسه نظاره شمسيه وكان بيدها شنطة لاب توب ((بيني وبينكم..فاضيه)) اختنا فالله كانت جاايه مدررررعمممه وقفت بالنص تلفتت بسرعه ورجعت طلعت..
وما ادري الا الوسيمه تصرررخ..وين راحت ياكـ….. (من باب الاستهبال) وكلنا فقعنا ضحك عليها لانه ماكنا متوقعين..
اما اختنا فالله كلنا عرفناها من اول مره وكانت كل كم فقره تطل بنفس الاطلاله وبنفس الدرعمه..اما ليش خلوها تسوي كذا ..مطري.. بس اتوقع انه بس كذا عشان يشدون انتباه البنات..
وكان من ضمن الفقرات فقره اسمها ((قبول الجامعات)) وكان بنهاية المشهد مع البنات طيراان..بعد ما خلصوا الفقره بشويتين قامت ربي يحفظها الوسيمه بتشلح الطيراان ((مو تشلح بمعنى تشلح،،يعني قصدنا ناخذها سلف بس)) ورجعت خاائبه مالقتهم..
وقبل مايخلص الحفل بشويتين قمنا طلعنا فووق
ويووم خلص نزلنا ورحت مع الوسيمه نستأذن الاستاذه عشان تعطينا الطيران..طيحت وجيهنا وراحت لوحده من الامهاات((مو على الطيران))..
رحنا للبنات.. وبعد شويتيين شفت الاستاذه بتدخل على غرفة النشاط سحبت الوسيمه وجت معنا المصريه ووحده من الشباب..
كلمنا الاستاذه على الطيران وعييت تعطينا اياها..مررره ضااق صدري وكلنا انقهرنا..
وعدنا ندج في ربووع المدرسه..دخلنا احد فصول ثاني والوسيمه اطاال الله في عمرها ماقصرت فتحت تشبس كان بشنطة وحده..واكلوووا ما ادري اذا بقي شي ولا..؟!..ويعدين طلعنا لان بنات الفصل كانوا عند الباب..
وبعد قليل من الدجه تفرقنا..راحت الوسيمه تفطر عند الفصل اللي اكلت التشبس من عندهم..وانا ماقصرت مشييت المصريه لين كرهت عمرها ما كأنها توها طالعه من المستشفى ((حسيت نفسي شريره))..والبقيه الباقيه شوي فوق شوي تحت..

بعدين قررت اطلع الفصل اكمل كم شي كانوا ناقصيني..وانا توني بأول ورقه اسمع طق..بس جاهدت نفسي وقعدت اكمل..بس البنات صرااخ وحمااس..معد قدرت اكمل..
قلت لصقيعتي اللي ماخذه منها الاوراق باخذهم واصورهم خلاص يدي عورتني معد فيني اكتب..ولميت عفشي وقلت للمصريه تلم عفشها..
واثناء اللملمه قالتلي خلاااص ماعاد فيكي صح..؟ تبيين تلحقيين على الطق..! ..قلتلها ايه والله خلاااص مرره اخلصي علي بس..
يوم وصلت تحت الا الوسيمه تووها طالع من غرفة النشاط ومتجه لمصدر الطق بنفس حمااسي..رحنا لقينا الشله مجتمعه هناك واخذت الوسيمه طاوله وبدت تطق يالبى قلبها..
بعدين راحت كان عندها شغلله مووهيييمه..ورحت مع المصريه ناكل من بوفيه ثالث..
وطلعنا الساحه كانت شبه فاضيه انا مددت رجيلاتي والمصريه انسدحت وخلا هذا القسط من الراحه وصلتني خبريه بالمررره حووولوه اثلجت صدري لاني كنت ناويه اتمشكل لو ماصاارت..
وبعدين ذكرت تعبير العنقليزي وما خليت بنت اعرفها ولا ما اعرفها الا وسألتها..وبالنهايه لقيتها مع وحده من الشبااب بعد ما طلعت ريحتي ((حسيت بمعاناة اللي معهم معاملات وكل واحد يرسلهم للثاني))..
وعلى نزلتنا فتحوا الباب واخذت اشياتي وطلعت..وبعد ما سرت بشاير مشووي عرفت ان المايك خربان وكانت الساعه 12 بعد نص الليل يعني الهوا مرره باارد ورطووبه من كثر مو الجو مرطب معد بقي لابحر ولا نهر يرطب الجو بكره..
وقالتلي صقيعتي اللي كانت قاعده معي خلينا نطلع نشوف قلتلها هيا بنا..واول ماطلعت لقيت السيااره انطلقت اليها زي الفار اللي شارد من قطه..
وفجأه..وبدون ما احس بنفسي ..لقيت نفسي ناايمه..ماقمت لين ركبت مامتي السياره الساعه 1ونص الا شوي..
ورجعت نمت ..ووصلنا البيت وانطلقت الى سريري زي الطفل اللي ماشاف امه سنه..
واسكتيوزمي طولت عليكم..
بس كان في جعبتي كسيراً من التعليقات..بس قلت اخليكم انتم تعلقوون احسن..
واللي عنده استفسارات \مصطلحات\سوعالات\حاب يعرف ايش كان الاكل..الخ..
في اسفل الصفحه به مكان تكتب فيه المشاركات..
اكتبوا ما في جعبتكم..وابشروا بعزكم..
اختكم\
بشوره..!